මේ දිනවල සූර්යයාගේ කාලගුණ තත්වය දරුණු වී ඇති බව වාර්තා වේ. දැනටමත් පෘථිවි චුම්බක ක්ෂේත්‍රය දැඩි ලෙස Coronal Mass Ejection (CME) මගින් ප්‍රහාරයන්ට ලක්වන ‍අතර එය ඉදිරියේදී තවත් වැඩි වනු ඇත.

වාර්තාවන අන්දමට මෙය 2005 සැප්තැම්බරයෙන් පසු ඇති වන විශාලතම කුණාටුව යි. වේගවත් සූර්ය සුළං පෘථිවිය වෙත පැමිණෙන අතර 1402 ලෙස හඳුන්වන සූර්ය ලපයද පුපුරා යනු දක්නට ලැබිණි. මේ නිසා M9 පන්තියේ සූර්ය ගිණිදළුවක් ඇති විය.

සූර්යයාගේ සූර්ය ලප තුල ඇති වන මෙවන් පිපිරීම් නිසා මුදාහරින අරෝපිත අංශු තප්පරයකට කි.මී. 2200ක් පමණ වේගයෙන් පෘථිවිය වෙත පැමිනේ. මේවා නිසා පෘථිවියේ ජීවීන්ට කිසිඳු හානියක් සිදු ‍නොවේ. ඊට හේතුව වන්නේ පෘථිවි චුම්බක ක්ෂේත්‍රය නිසා මෙම අංශූන් පෘථිවිට තුලට නොපැමිණීමයි. නමුත් පෘථිවි වායුගෝලයෙන් පිට ඇති ඇතැම් චන්ද්‍රිකා සහ වෙනත් ‍යානා සඳහා හානි ඇති විය හැකි ය.

Adobe Flash Player not installed or older than 9.0.115!