Events of the month

<<  October 2014  >>
 Mo  Tu  We  Th  Fr  Sa  Su 
    1  2  3  4  5
  6  7  8  9101112
13141516171819
20212223242526
2728293031  

Story of the background image

Atacama Large Millimeter Array (ALMA)

Credit: ESO/C.Malin

ඇටකාමා කාන්තාරයේ පිහිටුවා ඇති මෙම රේඩියෝ දුරේක්ෂ ජාලය තරකා විද්‍යා නිරීක්ෂණයේදී භාවිතාවන නිරෝධන මාන තාක්ෂණය උපයෝගී කරගණිමින් විවිධ වූ තාරකාවිද්‍යාත්මක නිරීක්ෂණ සිදුකරයි.මෙම රූපයෙහි පෙනෙන පරිදි ඡායාරූපය ගෙන ඇත්තේ දිගු අනාවරන කාලයක් ලබාදී ඒ අතරතුර රතු පැහැති එලියක් එල්ල කරමිනි.එබැවින් මෙය රත් පැහැයක් ගෙන ඇත.තවද පසුබිමේ ක්ෂීරපථයද ඉහලින් කුඩා හා විශාල මැගලවලාවන්ද දැකිය හැකිය.

 

The Sun Now

Daily Sun Image Credit:SDO/HMI

අඳුරු පදාර්ථ සිතියම් ගත කෙරේ
Written by Sashika Thilakawardena   
Saturday, 21 January 2012 21:58

තාරකා විද්‍යාඥයින්, නිරන්තරයෙන් ම නිරීක්ෂණය කරන අඳුරු පදාර්ථයන් විශාල පරිමාණයකට සිතියම් ගත කිරීමට පසුගිය දා සමත්ව විය. මෙම නව සොයා ගැනීම මගින් අනාවරණය වන්නේ විශ්වය, ආලෝක වර්ෂ බිලියනයකටත් වඩා වැඩි වූ අඳුරු පදාර්ථයන්ගෙන් යුත් පැටළුණ අන්තරීක්ෂ ජාලයකින් සහ මන්දාකිණි පාරනයකින් යුක්ත බවය.

කැනඩාවේ බ්‍රිටිෂ් කොලොම්බියා විශ්ව විද්‍යාලයේ විද්‍යා අංශයේ ආචාර්ය කැතරින් හේමන්ස් (Catherine Heymans ) සහ සහායක මහාචාර්ය ලුඩොවින් වෑන් වෙයබෙක් (Ludovic Van Waerbeke) විසින් මෙම ප්‍රතිඵලය, ජනවාරි 9 වැනි දින ටෙක්සාස් හි පැවති ඇමරිකානු තාරකා විද්‍යා සංගමයේ දී ඉදිරිපත් කර ඇත. මොවුන් දෙදෙනා ප්‍රමුඛ වූ අන්තර්ජාතික පර්යේෂකයන් ගේ කණ්ඩායම මෙම ප්‍රතිඵලය ලබා ගත්තේ අහසේ එකිනෙකට වෙනස් කලාප හතරක් තුල වූ මිලියන 10ක් පමණ මන්දාකිණි වල ඡායාරූප විශ්ලේෂණයෙනි. මන්නාකිණි වලින් විමෝචනය වන ආලෝකය අධි ස්කන්ධ අදුරු පදාර්ථයන් පසු කර පෘථිවියට පැමිණීමේ දි ආලෝකයේ ඇතිවන නැම්ම පිළිබඳ ඔවුන් අධ්‍යනයන් සිදු කර ඇත.

Canada-France-Hawaii Telescope Lensing Survey (CFHTLenS) මගින් ලබා ගත් දත්තයන් මෙම විශ්ලේෂණයන් සඳහා යොදාගෙන ඇත අතර මේ සඳහා හවායි පිහිටි මෙගා පික්සෙල් 340 පුළුල් පරාස කැමරාවකින් වසර 5ක් පුරාවට ඡායාරූප ලබාගන්නා ලදී.

ඉහත ඡායා රූපයෙන් නිරීක්ෂණය වන්නේ අඳුරු පදාර්ථයන් යෝධ ගන කැටිති ජාලයකින් (සුදු) සහ හිස් අවකාශයන්ගෙන්(අඳුරු) යුක්තව නිර්මාණය වී ඇති බවයි. මෙහි ඇති විශාලම සුදු පැහැති පෙදෙස් පෘථිවි චන්ද්‍රයාගේ ප්‍රමාණයේ පමණ වේ.

මෙම සමීක්ෂණයන් සඳහා යොදා ගත් මන්දාකිණි සැබැවින්ම ආලෝක වර්ෂ බිලියන 6කට එපිටින් පිහිටා ඇත. එනම් මෙම ඡායාරූප වලට හසු වී ඇති ආලෝකය මීට වසර බිලියන 6කට පෙර නිකුත් වූ ඒවා වේ. අඳුරු පදාර්ථ අන්තරීක්ෂ ජාලයෙහි සියළුම දිශා වලින් දර්ශනය වන විශාල පරිමාණයකට ලබා ගන්නා පළමු ඡායා මාත්‍රය මෙය වේ.

 

 

Comments  

 
0 # 2012-01-22 20:37
fine experiment.....no more idea.....
Reply | Reply with quote | Quote
 
 
0 # 2012-01-23 17:43
ela
Reply | Reply with quote | Quote
 

Add comment


Security code
Refresh